Талааннаах эдэр толорооччулар, идэтийбит композитордар, ырыалар ааптардара, аранжировщиктар уонна продюсердар аан дойду араас муннуктарыттан Варна куоракка «Дискавери 2014» поп-рок-джаз-фестивальга мустуохтара. Манна кинилэр музыкальнай саҥа бырайыактарын билиһиннэриэхтэрэ.

Тэрийээччилэр быйыл араас искусствоны дьүөрэлиир санаанан салайтарбыттар. Ол курдук үгэскэ кубулуйбут ырыа куонкурустарын таһынан, киинэлэр премьералара, кинигэлэр сүрэхтэниилэрэ, Европа поп, рок, джаз хайысхаларын сулустарын кэнсиэрэ фестиваль бырагырааматыгар киирбиттэр.

"Бу фестивальга 23 сыл усталаах-туоратыгар 57 дойду бэрэстэбиитэлэ кытынна", - диир  фестиваль дириэктэрэ Доно Цветков.

«Дискавери-2014» бастыҥ ырыаны, ырыаһыты ыам ыйын 17-18 күннэригэр быһаарыаҕа. Манна барыта 18 дойдуттан кыттыахтара. Тэрээһин чэрчитинэн норуоттар икки ардыларынааҕы бастакы радиокуонкурус буолар. Аан дойду араадьыйанан истээччилэрэ бастыҥ ырыаһыты талыахтара.