Албан ааттаах спортсмен, кикбоксиҥҥа аан дойду хас да төгүллээх чемпиона, бойобуой искусство маастара Бату Хасиков «Кубок Востока» турнирга кэлиэҕэ.

«Кубкок Востока» турнирыгар кикбоксиҥҥа 71 кг. диэри ыйааһыннаахтарга Максим Гаськов (Бурятия) Артём Сивильдоровы (Саха сирэ) кытта күөн көрсүөхтэрэ. Тхэквондоҕа 67 кг диэри ыйааһыннаахтарга Александр Бодров (Бурятия) Казахстан спортменын (билиҥитэ ким киирсэрэ биллэ илик) кытта илин-кэлин түсүһүөхтэрэ», - диэтэ тэрийээччилэртэ биирдэстэрэ, ушу-саньда тренерэ Василий Гармаев.

Кини этэринэн, боксаҕа 81 кг диэри ыйааһыннаахтарга Денис Балдаков (Бурятия) уонна Наратуяа Тайван (Монголия) утары киирсиэхтэрэ. Ушу-саньдаҕа, 65 кг Монгуш Лагва (Бурятия) Егор Потаповы (Саха сирэ) кытта күрэстэһиэхтэрэ. 56 кг Бадархаев Бато (Бурятия) Сум Бу Эр (Кытай) кытта күөн көрсүөхтэрэ. 70 кг диэри ыйааһыннаахтарга Владимир Иоселиани (Бурятия) Судовеличе (Кытай) ким кыайыылаах тахсарын быһаарсыахтара. 50 кг диэри Амгалан Дылыков (Бурятия) Саха сирин спортсменын кытта күрэстэһиэҕэ. "Турниры түмүктүүр киирсиигэ буккаас көрүҥҥэ абсолютнай ыйааһыҥҥа Вадим Павлов (Бурятия) уонна Алексея Шахова (Саха сирэ) утарыта туруохтара", - диэтэ кини.

Идэтийбит спортсменнар ортолоругар «Кубок Востока» турнир быйыл аан бастакытын ыытыллар, инникитин куруук ыытыллара, спортсменнар квалификацияларын быһаарар күрэхтэһии буолара күүтүллэр. Ити туһунан «Байкал Медиа Консалтинг» иһитиннэрэр.