«СЫТС-2014» «Сахамедиа» холдинг «Эдэр саас» хаһыата тэрийэр. Ыччат, дьиэ кэргэн политикатыгар министиэристибэ, Чурапчы улууһун дьаһалтата, «Тыа ыччатын Россиятааҕы сойууһун» республикатааҕы салаата өйүүллэр.

Быйылгы бырайыак Чурапчы улууһун Болугур нэһилиэгэр ыытыллар.

Манна 16-тан 35-гэр диэри саастаах муниципальнай оройуоннартан 8 киһилээх хамаандалар кыттыахтарын сөп.

Хамаандалар күрэхтэһэр көрүҥнэрэ:

- «Мунньуу-субуу-бугул» (10 баллынан сыаналанар).

- «Кэбиһии» (10 баллынан сыаналанар).

- ынаҕы түргэнник ыырга «ҮҮТ-шоу»(10 баллынан сыаналанар).

-чэйи түргэнник оргутарга, уоту отторго «СОЛУУР-шоу» (5 баллынан сыаналанар).

- «Собо-шоу» (5 баллынан сыаналанар).

Үлэни оҥоруу тэтимэ уонна хаачыстыбата көрүллэр.

Элбэх баллы ылбыт хамаанда кыайыылааҕынан тахсар. 1-3 миэстэни ылбыттарга уонна күрэхтэһии көрүҥнэринэн анал бириистэр олохтоноллор.

Сайаапкалары 2014 сыл бэс ыйын 25 күнүгэр диэри «Эдэр саас» хаһыат эрэдээксийэтигэр ылаллар. Аадырыһа: Дьокуускай куорат, Орджоникидзе аат. уул, 31-гэр, 236, 243 кабинеттарга. Эбэтэр маннык телефоннарынан уонна электроннай аадырыска билсиэххитин сөп 42-04-32, факс:42-06-98. e-mail: edersaas@mail.ru.

Васильева Ангелина Николаевна (89142284641), Захарова Ульяна Николаевна(89246628245).