Өрүс саҕаланыаҕыттан промышленнай эбийиэктэр суохтара өрүс уутун ырааһын сүрүн төрүөтүнэн буолбут. «Бөдөҥ собуоттар, гидроэлектростанциялар баар сирдэригэр өрүс уута күүскэ киртийэр. Уу ырааһын биһиги харыстыахтаахпыт», - диэтэ Заровняев.

«Өлүөнэ өрүс — бүтүн планетаҕа модун уонна толору уулаах. Бу улуу өрүспүт хас эмэ сүүһүнэн тыһыынча км былаһын тухары устар уонна Байкалтан саҕалаан Хотугу Муустаах акыйааҥҥа диэри бэйэтин ыраас уутун тиэрдэр. Өрүс балыгынан байым баайдаах. Кини кытылларыгар айылҕа маанылаабыт, хатаҕалаабыт кэрэ сирдэрэ элбэхтэр. Итини норуоттар икки ардыларынааҕы эргимтэ үрдүктүк сыаналыыр», - диэн Саха сирин баһылыгын дуоһунаһын быстах кэмҥэ толорооччу Егор Борисов эҕэрдэтигэр этиллэр.

Бэлиэ күн чэрчитинэн айылҕа харыстабылын министиэристибэтэ юридическэй сирэйдэргэ, кэтэх предпринимателлэргэ анаммыт семинардары тэрийдэ. Онно уу ресурсатын туһаныыга уонна харыстааһыҥҥа РФ сокуоннарын ирдэбиллэрин ырыттылар.