“Биһиги балык арааһын: уомулу, кэтэни, селедканы, о.д.а. атыыластыбыт. Колымана уонна Ломоносов олус аһастар. Төһө да көрүҥнэрэ улаханын иһин, икки эрэ саастаахтар,  кыралар. Эһэлэр оонньуулларын сөбүлүүллэр. Сайын кинилэргэ сыата суох муора балыга наада. Онон маннык балыгы атыылаһарбытыгар көмөлөспүт “Сахаэнергоҕа” махталбыт муҥура суох улахан!”, – диэтэ зоопарка дириэктэрин научнай үлэҕэ солбуйааччы Наталья Сафонова.

Аллараа Халыма айылҕа харыстабылын инспектордара өлөр өлүү айаҕар киирбит эһэни быыһаабыттара барыбытын долгуппута. Колымана тута дьон-сэргэ бука бары таптыыр, сөбүлүүр кыылыгар кубулуйбута. Сыл буолан баран Санкт-Петербург зоопаркатыттан Ломоносовы булбуттара. Зоопарка кыһамньытынан эһэлэр этэҥҥэлэр, дьону-сэргэни үөрдэллэр.