1943 сыллаахха ыам ыйын бүтүүтэ кинилэри «Кыһыл Сулус» колхозтан уонча эр бэртэрин «Куоһаҕас»  алааска мунньан баран ыҥыыр атынан сэриигэ атаарбыттар.

Хос эһээм илиҥҥи фроҥҥа тиийбит. Чита куоракка тиийэн кырдьаҕастары, нууччалыы билбэт дьону Монголияҕа ыыппыттар. Дьэ, онно тиийэн үлэ, олох ыарахаттарын көрсүбүттэр. Олорор бараактара оттуллубата, астара үксэ оҕуруот аһа, хаһан эмэ хааһы дуома, хара килиэп биэрэллэрэ. Саха дьоно оннук аска үөрэммэтэх буолан, тулуйбакка ырыы-ыалдьыы бөҕөтө саҕаламмыт. Үлэлэрэ истиэп сиргэ от охсон, мунньуу, күнү-түүнү аахсыбакка тиэйэн, фроҥҥа  барар сылгылары–сүөһүлэри аһатарга, ыксаллаах, үүрүүлээх – үтүрүйүүлээх үлэ эбит.

1944 сыллаахха күһүн Чита куоракка байыаннай үөрэххэ илдьибиттэр. Онно тиийэн ыалдьан үс ый госпитальга сыппыт. Онтон үтүөрүө суох диэн дойдутугар атаарбыттар.

1945 сыллаахха ыам ыйыгар кинини дойдутугар почта сыарҕатыттан тиэйэн аҕалан, дьиэҕэ көтөҕөн киллэрбиттэр.

Сэрии кэннэ хос эһэм колхозка үлэлээбитэ. От кээһэр волокуша оҥорбут. Ол от үлэтигэр абыраллаах буолбут, колхоз от хомууругар оройуоҥҥа куруук инники кирбиигэ сылдьыбыт. Хос эһээбэр Москваҕа ВДНХ-га барар путевка биэрбиттэрин аккаастаммыт этэ, бириэмийэ диэн 2 киилэ арыы биэрбиттэр. Хос хос эбээбитинээн Анна Иннокентьевналыын 16 оҕоломмуттар.

Хос эһээм 1957 сыллаахха күһүн өлбүт.

Мин хос хос эһээм наҕараадата:

 «За победу над Японией» мэтээл,

«Ударник труда», «За доблестный труд» грамоталар.