«РФ уонна Саха сирин спортка министиэристибэлэрин хардарыта дьайсыылаах үлэлэрин үтүө түмүгэр субу курдук спорт баараҕай тутуулара тыа сиригэр дьэндэһэн тахсаллар», - диэтэ бырабыыталыстыба вице-премьерэ Александр Власов Нам улууһугар.
Спорт эбийиэктэрэ дьоҥҥо-сэргэҕэ наадалаах буолалларыгар, манна республикаҕа да, Россияҕа да таһымнаах күрэхтэһиилэр ыытылалларыгар кини бүк эрэллээҕин эттэ.
РФ спордун министиэристибэтин салалтатынан үлэлиир спорт сайыҥҥы көрүҥнэрин сайыннарыы департаменын дириэктэрэ Григорий Кобельскай федеральнай биэдэмистибэ регионнарга, ол иһигэр чопчу Саха сиригэр физкультура уонна спорт сайдыытыгар ураты болҕомтотун уурарын бэлиэтээтэ. «100 тыһыынча киһилээх бөдөҥ куораттар кыра сэлиэнньэҕэ бу курдук эбийиэк тутуллан тахсыбытыгар ымсыырыах этилэр», - диэтэ кини.
Россия спордун министиэристибэтэтин бэрэстэбиитэлэ сэлиэнньэ хас биирдии олохтооҕо спордунан утумнаахтык дьарыктанарыгар тутуу акылааты уурарын кини ойуччу тутан эттэ.
Спортивнай эбийиэктэри тутууга уопсайа 430 мөл.солк. ороскуоттаммыт. Тутуу аныгы стандартка толору эппиэттиир. Манна дьон фитнеһинэн, чэпчэки атлетиканан, боксанан, көҥүл тустуунан, валейболунан, баскетболунан, о.д.а. сылы эргиччи дьарыктанар кыахтаах.
Комментарии
Авторизация на сайте через социальные сети