Саха сирин баһылыгын эбээһинэһин быстах кэмҥэ толорооччу Егор Борисов Өлөөн олохтоохторун кытта көрсүһүүтүгэр Томтордооҕу сэдэх баайдаах сири туһаҕа таһаарыыны ырыттылар. Дьүүллэһии кэмигэр биллибитинэн, бу сыл атырдьах ыйыгар Егор Борисов быһаччы сорудаҕынан айылҕа харыстабылын министиэристибэтэ баайдаах сир тулалыыр эйгэтигэр мониторинг ыытыахтаах. Манна өрөспүүбүлүкэ наукатын үлэһиттэрэ кыттыахтаахтар.

Промышленность уонна экономика министиэристибэлэрин бэрэстэбиитэллэрэ эбэн эппиттэринэн, сир баайын хостооччу улуус, өрөспүүбүлүкэ олоҕор кыттыһарын сүрүннүүр уонна быһаарар сөбүлэһии бырайыагын бэлэмнии сылдьаллар. Ону таһынан үлэни ыытар тэрилтэ Өлөөн улууһугар регистрацияланыахтаах.

Егор Борисов элбэх сыл устата дойду президенин таһымыгар тиийэ Томтордооҕу сэдэх баайдаах сири туһаҕа таһаарыыны турууласпыта, туруорсубута.

Бастаан утаа РФ бырабыыталыстабата бу сири туһаҕа таһаарыы үлэтин 2020 сыл кэнниттэн саҕалыыр туһунан быһаарыыны ыллыммыта. Егор Афанасьевич дьулуурунан уонна дьаныардаах үлэтинэн Томтордооҕу сэдэх баайдаах сир өтөрүнэн буолбакка, сотору кэминэн олоххо киирэригэр улахан эрэл үөскээтэ.