«Баһаар кырыыта уонна чугастааҕы тутуулар икки ардылара 3 км», - диэтилэр кииҥҥэ.

Россия ЫБММ Саха сиринээҕи кылаабынай управлениетыгар иһитиннэриини хомуйар уонна ырытар штаб үлэлиир. Ойууру харыстыыр авиация базатын кытта ыкса ситимнээхтик үлэлииллэр.

Бүгүн, от ыйын 24 күнүгэр Дьокуускай аэропуордуттан 10 быыһааччыны тиэйбит Ми-8 вертолет көттө. Ону таһынан баһаары тохтотууга Сибиирдээҕи киин Бе-200 самолета айанныаҕа.

Баһаары тохтотууга 198 киһи, 15 тиэхиньикэ үлэлиир.

Кэбээйи Чагдатыгар уот чугаһаабытын туһунан иһитиннэрии от ыйын 23 күнүгэр киирбитэ. Бе-200ЧС самолет 75 тонна ууну куппута. Көдьүүстээх үлэ түмүгэр баһаар хотугулуу уонна хотугулуу-арҕааҥҥы кирбиитэ умуруоруллубута.

Ону таһынан полиция үлэһиттэрин, быыһааччылары тиэйбит Ми-8 вертолет Чагдаҕа тиийбитэ уонна 70-тан тахса киһини атын нэһилиэктэргэ олорор аймахтарыгар диэри илдьибитэ. Тыал хайысхата уларыйбытыттан уоту тохтотуу уустугурбута.

Оройуон уонна Ньидьили бөһүөлэгин дьаһалталарын суһаллык дьайар штабтара үлэлииллэр.