Саха сирин тыйыс усулуобуйатыгар судургута суох үлэ — тыа хаһаайыстыбатын бородууксуйатын оҥорон таһаарыынан дьарыктанар, докумуону ситэри оҥорон киллэрбит тэрилтэлэр «Россельхозбааҥҥа» 15 сылга болдьохтоох кредити ылыахтара. Манна бырыһыан ыстаапкатын толуйуохтара. Ону таһынан үс сыл устатыгар каникулунан туһанар кыахтаахтар.

Миниистир Иван Слепцов  хаһаайыстыбалар кредити төннөрөр кыахтарын бигэтитэр министиэристибэ быһаарыытын бырайыага бэлэмин туһунан баан бэрэстэбиитэллэригэр эттэ. 100 төбөҕө анаммыт комплексы туппут хаһаайыстыба 20 мөл.солк. диэри субвенция ылыан сөп.

Племенной сүөһүнү, чуолаан калмык боруодалаах сүөһүнү атыылаһыыга уһун кэмнээх кредити ырыттылар. Маннык кредити түөрт хаһаайыстыбаҕа биэриэхтээхтэр.