Бааннартан кредит ыларга тыа хаһаайыстыбатын бородууксуйатын оҥорор сорох тэрилтэлэр государство мэктиэтинэн туһаныахтара. Ол курдук, «Туймаада» ФАПК 566 мөл.солк., «Сахаагропродукт» кооператив 100 мөл. солк., «Туймаада-Лизинг» ААО 150 мөл.солк. государство мэктиэтинэн ылыахтара. Бу испииһэккэ «Дьокуускайдааҕы көтөр фабриката» ААО  киирэр. Тыа хаһаайыстыбатынан дьарыктанар атын тэрилтэлэргэ кредит ылалларыгар «Туймаада» ФАПК мэктиэһит буолар.

Сааскы ыһыы үлэтигэр, сиэмэни, уматыгы атыылаһыыга бааннар кылгас болдьохтоох кредит биэрэллэр. Бу кредити федеральнай уонна өрөспүүбүлүкэтээҕи бюджеттар субсидиялыыллар. Сүөһүнү, сылгыны, о.д.а. дьиэ кыылын иитэргэ анаммыт комплекстары тутарга уһун болдьохтоох кредит бэриллэр. Кредит эмиэ субсидияланар.

Урукку өттүгэр түһэрсиллибит дуогабарынан кредиттэргэ бырыһыан ыстаапката үрдээбэт. Субсидия кээмэйэ эмиэ уруккутунан хаалар.