"Ювелирнай компаниялар уонна маастардар саамай дьикти, кэрэ уонна хатыламмат оҥоһуктарын бу быыстапкаҕа туруоруохтара. Сыл аастаҕын аайы оҥоһуктар сыаналар үрдүү турар уонна инникитин реликвия буолуохтара", - диэтэ «СӨ Гохран» салайааччытын солбуйааччы Иван Кычкин.

Атыыламмат уонна көрөөччү киэҥ эйгэтигэр тахсыбатах оҥоһуктары бу быыстапкаҕа көрдөрүөхтэрэ.

"Ювелирдар ханна да суох уонна хатыламмат сорох оҥоһуктарын сыаната мөлүйүөнү аһарар. Быыстапкаҕа Казань куоракка «Алтын Барс» куонкуруска бастыҥынан ааттаммыт, 2013 сыллаахха «JUNWEX Новый Русский Стиль 2013» норуоттар икки ардыларынааҕы быыстапкаҕа биһирэммит «Галантус» трансформер-биһилэҕи, «Мисс Якутия» хоруонатын, о.д.а көрдөрүөхтэрэ. Быыстапка быйыл аан бастакытын ыытыллар, ол эрээри тэрийээччилэр маны үгэскэ кубулутар баҕалаахтар.