Сарсын буолар үөрүүлээх тэрээһиҥҥэ Саха сирин баһылыгын эбээһинэһин быстах кэмҥэ толорооччу Егор Борисов, РФ тырааныспарга миниистирин солбуйааччы  Алексей Цыденов, тимир суол федеральнай агенствотын салайааччытын солбуйааччы  Евгений Луковников, «Трансстрой» холдинг дириэктэрэ — суол генеральнай бэдэрээччитэ «Саха сирин тимир суоллара» компания кытталлар.

Быстах кэмҥэ үлэлэтиигэ таһаҕаһы график быһыытынан таһыахтара.

Маннык дьаһал бастайааннай үлэлэтии иннинэ булгуччулаах ирдэбил.

«Еловское Трансстрой» компания генеральнай дириэктэрэ Александр Дудников«Беркакит — Томмот — Дьокуускай тимир суол чэрчитэ «Сила Сибири» газ турбатын тардыы үлэтигэр анаммыт, о.д.а. таһаҕаһы тиэйиини бэйэтин эппиэтинэһигэр ыларын эттэ. Инникитин бу тимир суол тырааныспарга хоорук тымыр буолуон кини бэлиэтээтэ.