"Биһиги бүгүн Кытай доҕотторбутун кытта аан дойдуга ханна да суох баараҕай тутууну саҕалыыбыт. Маннык уонна маныаха майгынныыр бырайыак чугастааҕы инникигэ ханна да суох. Кытай норуотун өрөспүүбүлүкэтигэр уонна Россияҕа ураты улахан суолталаах тутуу буолар", - диэтэ президент.
Бу бырайыакка тирэҕирэн Россия гааһы экспортка таһаарарын таһынан, дойду бэйэтин иһигэр Россия илиҥҥи өттүгэр, Уһук Илин уонна Илин Сибииргэ гаастааһыны бигэтик сайыннарыаҕа.
"Бу регионнарга массыынаны оҥоруу, металлургия, химическэй, о.д.а промышленностар сайдыахтара", - диэтэ Путин.
Россия уонна Кытай хардарыта дьайсыылаах үлэлэрин үтүө түмүгэ буоларын кини бэлиэтээтэ. "Кытай өрөспүүбүлүкэтин салайааччыларыгар уонна бэрэссэдээтэл Си Цзиньпиҥҥа махтанабын!", - диэтэ кини.
Үс Хатыҥҥа ыытыллыбыт үөрүүлээх тэрээһиҥҥэ Кытай госсэбиэтин премьерын солбуйааччы Чжан Гаоли, Саха сирин баһылыгын эбээһинэһин быстах кэмҥэ толорооччу Егор Борисов, Газпром салайааччыта Алексей Миллер, федеральнай министиэристибэлэр уонна биэдэмистибэлэр, Уһук Илин регионнарын губернатордара, о.д.а. кытыннылар.
Комментарии
Авторизация на сайте через социальные сети