«Россия уонна Кытай бииргэ үлэлииргэ бигэ тирэхтээхпит уонна улахан кыахтаахпыт. Хардарыта дьайсан бииргэ үлэлээһин саҥа кэрдиис кэмигэр кэллибит», - диэтэ Чжан Гаоли.
«Ниэпкэ, газка, атомнай энергияҕа, чоххо, о.д.а. бииргэ үлэлиэхпит», - диэтэ кини.
Энергетическэй хайысханан бииргэ үлэлээһини таһынан инвестицияҕа, аныгы технологияларга, үпкэ-харчыга, о.д.а.бииргэ үлэлээһин кэҥиэҕин кини эттэ. «Култуураҕа, атыыга-эргиэҥҥэ, тыа хаһаайыстыбатыгар, олорор дьиэни тутууга бииргэ үлэлиир соруктаахпыт. Оччотугар бу икки государство аан дойду таһымыгар күрэстэһэр кыаҕа өссө улаатыаҕа», - диэтэ Чжан Гаоли.
Аан дойду таһымыгар быһыы-майгы уларыйа турбутун да иһин, Россия уонна Кытай ыарахаттары бииргэ ааһыахтарын, туоруохтарын туһунан чиҥэтэн эттэ. «Россия уонна Кытай бииргэ өссө улахан стратегическай бырайыактары олоххо киллэриэхпит» - диэн эбэн эттэ.
Комментарии Добавить комментарий
Авторизация на сайте через социальные сети