Оччолорго Сургуулукка оскуола суоҕа, онон Варвара үөрэҕэ суох хаалбыт. Дьонноругар хаһаайыстыбаҕа көмөлөспүт. Сэбиэскэй былаас саҕана эдэр эрдэҕиттэн И.В. Сталина уонна М.И. Калинин аатарынан «Правда» холкуоска ыанньыксытынан, сүөһү көрөөччүнэн үлэлээн 54 сааһыгар биэнсийэҕэ тахсыбыт.

Төһө да пенсияҕа буоллар, быар куустан олорбокко, куруук ыарахан үлэлэргэ сылдьыбыта. Ол түмүгэр Варвара Саввична "Коммунистическай үлэ ударнига", "Социалистическай күрэс кыайыылааҕа" ааттары ылбыта. «Аҕа дойду улуу сэриитин сылларыгар бэриниилээх үлэтин иһин» мэтээлинэн уонна да элбэх атын махтал суруктарынан наҕараадаламмыта. Тыыл уонна үлэ бэтэрээнэ Варвара Саввична билигин бииргэ төрөөбүт быраатын дьиэ-кэргэнин кытта олорор.