«Дьокуускай куоракка баар университекка юридическай факультет баара олус үчүгэй. Бу факультеты көҕүлээн олоххо киллэрбит дьоҥҥо улаханнык махтаныам этэ», - диэтэ кини.

Вениамин Яковлев Саха сиригэр биллэр-көстөр, ааттаах-суоллаах юристар баалларын бэлиэтээтэ.
Кини киһи быраабын олоххо туһаныы юристар сиэрдээх майгыларыттан уонна идэтийиилэриттэн быһаччы тутулуктанарын ыйда.

«Үөрэҕи бүтэрбити туоһулуур диплому ылбыт юрист сокуон чэрчититтэн тахсыбат», - диэтэ.

РФ президенин сүбэһитин кытта көрсүһүүгэ ХИФУ юридическай факультетын декана Петр Гоголев Уһук Илин регионугар бу факультет инники күөҥҥэ иһэрин бэлиэтээтэ.