Саха сиринээ5и дьиэ-кэргэн уонна ыччат министиэристибэтэ иһитиннэрбитинэн, «Куорат ыала-2014» куонкуруска Алдантан, Верхоянскайтан, Өлүөхүмэттэн, Мииринэйтэн уонна куорат тииптээх бөһүөлэктэн Жатайтан, Дьокуускайтан, уопсайа 10 сайаапка киирбитэ. Күрэх түмүгүнэн, Дьокуускайтан алта оҕолоох Павловтар уонна Алдан куоратыттан түөрт оҕолоох Стуканевтар буоллулар. Онтон «Тыа сирин ыала-2014» куонкуруска  Амматтан, Алдантан, Үөһээ Дьааҥыттан,Намтан, Өлүөхүмэттэн, Орто Халыматтан, Уус Маайатан, Чурапчыттан барыта 9 сайаапка киирбитэ. Кыайыылаахтарынан биэс о5олоох Орто Халыматтан Рязанскайдар уонна Амматтан алта оҕолоох Федотовтар буоллулар. Бу күрэх кыайыылаахтара бары Өрөспүүбүлүкэҕэ ыытыллар «Дьиэ-кэргэн - 2014» фестивальга Саха сирин баһылыгын бириэмийэтигэр тохсунньу ыйга кыттыыны ылыахтара.