"Мамонт аһыытын кырамтатын, о.д.а. сыаналаах уҥуоҕу хостооһуҥҥа государство, уопсастыбаннас болҕомтотун тардар туһугар бу фестиваль ыытыллар. Фестиваль сыала-соруга итинэн эрэ муҥурдаммат. Россия норуоттарыгар муостан, аһыыттан кыһан искусство биир сэдэх көрүҥүн тарҕатар маастардары өйүүргэ, көмөлөһөргө уонна искусство бу көрүҥүн сайыннарарга, уустары сырьенан хааччыйарга сыал-сорук туһаайыллар", - диэн СИА-ҕа А.Е.Кулаковскай аатынан норуоттар доҕордоһууларын дьиэтиттэн эттилэр.

РФ култуураҕа министиэристибэтэ, СӨ култуураҕа уонна духуобунай сайдыыга министиэристибэтэ, СӨ норуоттар дьыалаларыгар департамена, А.Е.Кулаковскай аатынан норуоттар доҕордоһууларын дьиэтэ фестивалы көҕүлээн ыыталлар. Фестиваль «Культура России» федеральнай тус сыаллаах бырагыраама чэрчитинэн ыытылларын эбэн этиэххэ сөп.

Дьыалабыай көрсүһүүлэр, «Косторезное искусство народов России» быыстапка-дьаарбаҥка, музейдар экспонаттарын быыстапката, «Сказ на бивне мамонта» куонкурус, төгүрүк остуол, о.д.а. тэрээһиннэр фестиваль бырагырааматыгар киирдилэр.

Ааспыт фестиваль "Азия оҕолоро" норуоттар икки ардыларынааҕы спортивнай оонньуу чэрчитинэн 2012 сыллаахха ыытыллыбыта. Онно Россия 7 регионуттан куонкуруска 119 үлэ киирбитэ, муостан кыһар 50 уус кыттыбыта.

Быйылгы фестиваль туһунан толору иһитиннэриини А.Е. Кулаковскай аатынан норуоттар доҕордоһууларын дьиэтиттэн сиһилии билсиэххэ сөп. Сайаапкалары culcentr@mail.ru аадырыска ылабыт. Онно «Фестиваль косторезов» диэн булгуччу суруллуохтаах.

Тэрийээччи аадырыһа: Дьокуускай куорат, Поярков аатынан уулусса, 4, А.Е.Кулаковскай аатынан норуоттар доҕордоһууларын дьиэтэ,  «Симэх» норуот искусствотын киинэ, 302 каб. Тел./факс (4112) 32-82-79; 32-80-77, е-mail: simex20@mail.ru.

Координатордар:

Дора Николаевна Адамова 8 (924) 878 59 63

Нюргуяна Николаевна Павлова 8 (914) 266 95 16