СИА-ҕа фонда бэрэстэбиитэлэ Ольга Захарова иһитиннэрбитинэн, фестивалга муниципальнай уонна государственнайа суох үөрэх тэрилтэлэрин үөрэнээччилэрэ кытталлар, ону таһынан төрөппүттэр кытталлара биһирэнэр.
Хас биирдии кыттааччы  театрализованнай остуоруйаны көрдөрөр. Спектакль уһуна —  30-40 мүнүүтэттэн ордуо суохтаах.

Кыттааччы остуоруйаны бэйэтэ талар, бэйэ да суруйуута буолуон сөп.

Сайаапкалары олунньу 15 күнүттэн ылаллар. Фестиваль кулун тутар 12-13 күннэригэр Дьокуускайга оҕо айымньытын  Дыбарыаһыгар буолуоҕа.

Бастакы тур — талар, олунньу 15 күнүттэн кулун тутар 5 күнүгэр диэри кэтэхтэн ыытыллар. Айар коллективтар сайаапкаларын уонна үлэлэрин видеонан устууларын (ханнык баҕарар электроннай тутулга, AVI форматка) фестиваль тэрийэр кэмитиэтигэрв олунньу  15 күнүгэр диэри: 670000, Якутск, Пушкин уул, 31, тел. (4112) 40-20-68; 40-20-69; 89142905487 эбэтэр электроннай почтаҕа tyskes@mail.ru  ыытыҥ: остуоруйа фестивалыгар диэн суруктааҥ.

Сайаапкаҕа хайаан да  спектакль программкатын угуҥ (3-тэн итэҕэһэ суох) уонна спектакль афишатын ( А3 форматтаах).
Дьүүлүүр сүбэ II-с турга бастыҥ үлэлэри талыаҕа.

Түмүктүүр тэрээһиҥҥэ—  фестиваль иккис туругар — I-кы турга кыайбыт коллективтур уонна толорооччулар киирэллэр.
Финал чэрчитинэн оҕо театральнай коллективтарын бары салайааччылара семинарга ыҥырыллыахтара уонна Санкт-Петербургтааҕы «ШедЭврика» театр специалистара ыытар маастар-кылаастарыгар сылдьыахтара.
1 миэстэни ылбыт коллектив көстүүмнэри тигэргэ матырыйаал атыылаһарга 25 000 солк. Сертификат ылыаҕа,  2-с миэстэлээх — 15 000 солк сертификаты, 3 миэстэни ылбыт — 10000 солк сертификаты тутуохтара.

Иккис турга тахсыбатах оҕо коллективтара уонна биирдиилээн толорооччулар сертификаттарынан наҕараадаланыахтара.