Чааһынай хаһаайыстыбаларга өлөрүллүөхтээх сүөһү ахсаанын көҕүрэтэри эбэтэр, төттөрүтүн аҕыйатары дьон Департамены кытта субсидия ыларга сөбүлэҥ түһэрсибит докумуоннарын хонтуруоллааһын көмөлөһүө. Бу күннэргэ Департамент үлэһиттэрэ прокуратураны кытта сөбүлэҥи толоруу бэрэбиэркэтин ыыта сылдьаллар.

Тэриллибит хаһаайыстыбаларга элбэх сүөһү турарынан, улууска өлөрүллүөхтээх сүөһүнү атыылаһыы ыытыллыбыта. Ол курдук, ый устатыгар улуус хаһаайыстыбалара 300-тэн тахса тиҥэһэни атыыласпыттара. Сүнньүнэн улуус нэһилиэнньэтиттэн ылбыттара, итини таһынан Өктөм кооперативтара Мэҥэ-Хаҥалас улууһуттан 50 тиҥэһэни атыыласпыттара.

Быйыл дороххой аһылыгынан улуус 100% хааччылынна. Онон кыстык үчүгэйдик ааһара кэтэһиллэр. Ол эрээри сылгылар кыстыктара специалистары сэрэхэдьитэр. Тоҥоруу кэнниттэн сэтинньигэ түспүт ардах улуус сылгылара аһыыр сирдэрин бүтүннүү мууһунан бүрүйбүтэ үөрдэр аһыылларын уустугурдара биллэр. Бу нэдиэлэҕэ улуус хаһаайыстыбалара сылгы охтуутун уонна биэ убаһалыырын таһаарбат туһунан ырытыахтара уонна былаан оҥостуохтара, диэн «Хаҥалас улууһа» МТ администрациятын пресс-сулууспата иһитиннэрэр.