Студеннар үөрэхтэрин, кэлэр сессияларын, сынньалаҥнарын хайдах атааралларын туһунан кэпсээтилэр. «Айтал» ыччат общественнай хамсааһынын чилиэннэрэ араас тэрээһиннэри ыытыы, Саха сириттэн сылдьар студеннар общественнай олохторун туһунан сырдаттылар, диэн СИА-ҕа Минпрофобразование пресс-сулууспата иһитиннэрэр.
Көрсүһүү кэмигэр студеннар кинилэри долгутар ыйытыылары биэрдилэр, ордук социальнай хабааннаах боппуруостары, олорго хоруйдары иһиттилэр. Миниистир Валерий Фридовскай студеннарга кинилэр билиилэрэ, сатабыллара уонна дьоҕурдара республикаҕа наадалаах, «республика бюджетыттан туһаайылаах контрактнай бэлэмнэниини бара сылдьар дьонтон хас биирдиилэригэр үлэ булан биэриэхпит» диэтэ. Студеннар дойдуларыгар төннөргө, төрөөбүт кыраайдара сайдарын туһугар үлэлииргэ бэлэмнэрин эттилэр.
Комментарии
Авторизация на сайте через социальные сети