Аэромобильнай көрдөөһүн  подразделениятын  начальнига 1-кы кылаастаах быыһааччы Андрей Карпович оҕолору тыаҕа хайдах муммакка сылдьар,  суолу сүтэрдэххэ тугу гыныахтаахтарын сиһилии кэпсээтэ. "Бу туһунан кэспэтии тыа сиригэр олорор  оҕолорго ордук өйдөнүмтүө. Билигин оҕолор  муннахха, үөскээбит уустук быһыыттан-майгыттан куомпаһа суох хайдах тахсары дьэҥкэтик билэллэр", - диэтэ кини. Тыаҕа ууну булууга, аһы астаныыны  быыһааччылар оҕолорго сиһилии сырдаттылар.

Ол кэнниттэн быыһааччылар оҕолорго олох араас түгэннэригэр туттуллар  массыыналарын, тиэхиньикэлэрин  көрдөрдүлэр,  ханнык түбэлтэҕэ туох туттулуохтааҕын быһаардылар. Кэпсэтиһии кэмигэр оҕолор быыһааччыларга араас ыйытыктарын биэрэн, билбэттэрин биллилэр.