Кыргыз парламенын пресс-сулууспата иһитиннэрэринэн, Асылбек Жээнбеков Россияттан кэлбит коллегатын үрдүк солоҕо талыллыбытынан эҕэрдэлээтэ уонна Саха Республики делегациятын "Чингиз Айтматов уонна кини Иссык-Куллааҕы форума: культуралар алтыһыылара уонна цивилизациялар ситимнэһиилэрэ" аан дойдутааҕы форумҥа кэлбиттэригэр махтанна.

Александр Жирков бэйэтин өттүттэн форму чэрчитинэн саха делегацията Чингиз Айтматов айымньытынан туруоруллубут "Хаарын хампа күөх кытылым" спектаклы көрдөрүө диэтэ. Кини ити туруоруу бэйэтин кэмигэр ССРС үрдүкү наҕараадатын - Ленинскэй бириэмийэни ылбытын кэпсээтэ. Ол туруорууну Чингиз Айтматов бэйэтэ көрбүтэ.

"Манас" эпос сахалыы тылбаастана сылдьар, уонна 2014 сыллаахха тахсара былааннанар", - диэтэ кини.