Икки нэдиэлэ аннараа өттүгэр атыы-эргиэн тиһиктэрэ 1 кг гечка сыаната 45-50 солк. эбиллэрин туһунан суругунан биллэрбиттэр.

Быйылгы гречка хаачыстыбата быстар мөлтөх. Сайынын тымныы буолан гечка сиппэккэ хаалбыт. Ону таһынан ардахтартан сиигирбит. Ити туһунан «Ресурс» компания дирэктэрэ  Андрей Агарков бэлиэтиир.«Биһиги күрэстэһээччилэрбит гречка сыанатын 60-100% эптилэр. Саппаас суоҕуттаан саҥаны атыылаһарга тиийэбит. Онон сэтинньи ыйдааҕы бырааһынньыктар кэннилэриттэн сыана биллэ үрдүөҕэ», – диэтэ кини.

Гречиха баһыйар үксүн оҥорор Алтай кыраайын тыа хаһаайыстыбатын управлениетыгар эппиттэринэн, быйыл манна гречиха үүнүүтэ куһаҕана суох. Сыана балысханнык үрдүө суохтааҕын кинилэр бэлиэтииллэр.  «Ардахтаах күн-дьыл турбутуттан гречиханы кэмигэр хомуйбакка хаалбыппыт», – диэтэ управление начальнига  Владимир Казанин. Алтай кыраайа былырыын 330 тыһ. гречиханы оҥорбута.