Тэрээһин чэрчитинэн атыы-эргиэн дьаарбаҥката ыытыллар. Онно «Скиф», «Сахабулт», Покровскайдааҕы кыылы иитэр хаһаайыстыба уо.д.а. Кыттыахтара. Бэйэлэрин илгэлээх илиилэрин иһиттэн тахсыбыт бородууксуйаны киэҥник атыылыахтара. Дьон маны 12:00 чаастан көрүөн, баҕарарын атыылаһыан сөп.

Күнүс 14:00 чаастан «Байанай бэлэҕэ» алгыстаах оһуокай эдэри-эмэни түмэ тардыаҕа. Ол кэнниттэн «Байанай» сурунаал көрдөөх оонньуулары, викториналары дьон-сэргэ ортотугар ыытыаҕа.

Байанайга анаммыт уруһуйдар, араас оҥоьуктар, хаартыскалар быыстапкалара мустубут дьон болҕомтотун уратытык тардыаҕа.

Маны сэргэ булчут ыт оҕолорун быыстапкатыгар тэрийээччилэр ыҥыраллар. Ыт оҕолорун атыыта тэриллиэҕэ.

Маны таһынан тэрээһиҥҥэ кэлбит дьон бултка анаммыт киинэни көрүөхтэрэ, баҕалаахтар дэриэбинэ улахан собуотугар аукциоҥҥа кыттыахтара уонна собону сииргэ күөн көрсүөхтэрэ.

Ас амтаннааҕа, иҥэмтэлээҕэ манна хото тардыллыаҕа. Далбар Хотуттар кыыл этиттэн, балыктан астаммыт бүлүүдэлэрин быыстапкаҕа тэниччи тардыахтара.

Сүүйтэриитэ суох лотерея оонньонуоҕа, «Байанай», «Илгэ» сурунааллар атыыланыахтара. Ону таһынан 2015 сылга «Байанай» сурунаалга чэпчэтиилээх суруйтарыы тэриллиэҕэ.

Араас, эҥинэ бэйэлээх куонкурустарга, күрэстэргэ кыайыы көтөллөммүттэри бириистэр күүтэллэр.

Киирии билиэт сыаната 50 солк.

Кэлиҥ! Сылдьыҥ! Дуоһуйа сынньаныҥ!