Ыһыах бырааһынньыктааҕы кэнсиэригэр Харбиҥҥа үөрэнэ сылдьар араас дойду ыччата кытынна. Кинилэр ортолоругар сахалыы күрэхтэһиилэр, оонньуулар күргүөмнээхтик уонна өрө күрүүлээхтик ыытылыннылар.

Харбиннааҕы спорт университетыгар остуол тенниһигэр күрэхтэһэ тиийбит Дьокуускай үөрэнээччилэрэ Ыһыахха ыалдьыттаатылар. «Бу курдук, омук бырааһынньыктара Россия норуоттарын культуратын иҥэринэ сылдьаллар уонна норуоту түмэр, сомоҕолуур айылгылаахтар», - диэтэ Ольга Ягафарова.

Ыһыахха Даляньтан кэлбит биир дойдулаахпыт Мира Максимова (Umira) «Юнеско — Оhуохай» ырыата сүрэхтэннэ. Ырыаны биэс араас омук тылынан ыллаатылар. Ырыа Саха сиригэр республикатааҕы Ыһыах кэмигэр дьон-сэргэ дьүүлүгэр тахсыаҕа. Ити туһунан СИА-ҕа Кытайга Россия атыы-эргиэн бэрэстэбиитэлистибэтин састаабыгар киирэр Саха сирин бэрэстэбиитэлэ Степан Андреев эттэ.