«Биһиги Ыһыах сиэригэр-туомугар булгуччулах быраабыланы үөскэтиэхпитин, ону бигэтитиэхпитин уонна ол хайаатар да тутуһуллуон баҕарабыт», – диэтэ Андрей Борисов.
Миниистир эппитинэн, олоҥхо Ыһыаҕар урукку уопут барыта түмүллүөхтээх. «Ыһыах сиэригэр-туомугар бастыҥ профессионаллар кытталлар. Алгысчыт – Герасим Васильев, тойуксут – Степанида Борисова, оһуохайы толорооччу – Дмитрий Иванов», – диэтэ кини.
«Кистэл буобатах, үгүс сиргэ Ыһыах буолуон эрэ иннинэ алгысчыт көрдөөн сүпсүгүрүү саҕаланар. Түбэһиэх дьону алгыс эттэрэрбит кытта баар. Ыһыах саамай сүрүн сүмэтэ — сиэр-туом. Сиэр-туом чахчы дьайыылаах уонна дьоҥҥо тиийэрин туһугар идэтийбит дьон наадалар. Онон, өрөспүүбүлүкэҕэ бүтүннүүтүгэр идэтийбит алгысчыт диэн өйдөбүлү киллэрэр соруктаахпын. Кинилэр хамнастаныахтара. Алгысчыттар аһара элбэх буолуохтара суоҕа»,- диэтэ А.Борисов.
Саха омугун төрүтэ Эллэй аан бастакынан Хаҥалас сиригэр-уотугар үктэммитэ диэн номоххо этиллэр. Саамай бастакы Ыһыах эмиэ манна ыһыллыбыта.
Комментарии
Авторизация на сайте через социальные сети