Рустам Ксенофонтов - "Эр Бэрдэ" кыайыылааҕа

Сунтаар улууһуттан Олоҥхо ыһыаҕар "Эр Бэрдэ" хас да көрүҥнээх күрэхтэһиигэ кыттыбыт Рустам Ксенофонтов атыттары барыларын куоһанан кыайыылаах үрдүк аатын ылла. Киниэхэ бэс ыйын 21 күнүгэр Хаҥалас улууһун баһылыга Юрий Зайцев «Нива» массыына күлүүһүн туттарда.

Бэс ыйын 20-21 күннэригэр Хаҥалас улууһун Орто Дойду сиригэр-уотугар буолбут Олоҥхо ыһыаҕар хабыр хапсыһыылаах хапсаҕайдаах, тааһы быраҕыылаах, сыарҕа соһуулаах, бэрэмэдэйдээх сүүрүүлээх о.д.а., барыта сэттэ көрүҥнээх күрэхтэһии соҕурууттан-хотуттан кэлбит дьон болҕомтотун муҥутуур үөһүгэр буолла.

Иҥиир илистэр, былчыҥ күүрэр, сыра-сылба быстар күрэхтэһиитигэр Сунтаар улууһуттан кэлбит Рустам Ксенофонтов тэҥнээҕин булбата. Спорт маастара, Таатта улууһуттан кыттыбыт Михаил Савватеев - иккис, Амма улууһуттан кыттыбыт 21 саастаах Егор Баишев - үһүс миэстэни ыллылар.

Илин-кэлин түсүһүүлээх күрэстэһиигэ Чурапчы, Таатта, Амма, Мэҥэ-Хаҥалас, Горнай, Уус-Алдан, Сунтаар, Бүлүү, Усуйаана, о.д.а. улуустарыттан барыта 11 киһи кытынна.

При частичном или полном использовании материалов гиперссылка на сайт ysia.ru обязательна.

Категория: Спорт Просмотров: 3791 Источник: ЯСИА Автор: СИА

Версия для печати

Вернуться на главную

Подписаться на обновления