РИИХ «Сахамедиа» генеральнай дириэктэрин солбуйааччы, "Хаҥалас" түмсүү салайааччыта Афанасий Ноев эппитинэн, «Омоҕойтон утумнаах оһуокайбыт дьиэрэйдин!» күрэҕэр балаһыанньа быһыытынан ирдэниллэр 14 бирииһи булан-талан, бэс ыйын 21 күнүгэр күрэстэһии түмүгэр үөрүүлээх быһыыга-майгыга туттарбыттар.
«Үөрэрим диэн, биир дойдулаахпыт, Булгунньахтаах нэһилиэгин ытык кырдьаҕаһа, 14 оҕо аҕата, үгүс сиэн эһэтэ, 82 сааһыгар сылдьар Аркадьев Евстафий Петрович муҥутуур кыайыылаах буолан, Дархан Этээччи аатын ылан сыаналаах сүрүн бирииспитин Синтай тыраахтарынан биһирэннэ! Онон сырабыт-сылбабыт дьоммутугар-сэргэбитигэр үтүөнэн эрэ сыдьаайда.
Оһуокайдьыттар түмсүүгэ махталлара муҥура суох улахан. Онон күүс-көмө, тирэх-тирэбил буолбут дьоммор, биир дойдулаахтарбар барыгытыгар махтанабын! Хаҥаласпыт, дойдубут туһугар бары биир киһи курдук өрүүтүн түмсүүлээх буолуоҕуҥ! Чөл туруктаах, дьоллоох-соргулаах буолуҥ!», - диэтэ «Хаҥалас» түмсүү салайааччыта А.Ноев.
Комментарии
Авторизация на сайте через социальные сети