Саха норуота биһигин ыйаабыт сиригэр — Хаҥалас улууһугар быйылгы Олоҥхо Ыһыаҕа ыытыллар. Эркээни хочотугар баар Орто Дойду сиригэр-уотугар үс ый иһигэр дьоҕус куорат тутуллан, дьэндэйэн таҕыста.
«Олоҥхо Ыһыаҕа биһиги улууспутугар ыытылларын туһунан аан бастаан 2011 сыллаахха билбиппит. 2012 сылга Ыһыах ыытыллар сирин бырайыактаан барбыппыт. 2013 сылга бастакы мунньахха тэрээһин, техническэй хааччыллыы уонна докумуон боппуростарын ырыппыппыт. Ону таһынан маастардары кытаанахтык талбыппыт. Бу сыл муус устарыттан ыла тутууга күүрүүлээхтик ылсыбыппыт. Билигин 2014 сыллааҕы Олоҥхо Ыһыаҕын ыытарга тилэри бэлэммит», - диэтэ Юрий Зайцев.
Манна уопсайа 20-тэн тахса саҥа комплекс тутулунна. Ураһалар бастакы эрээттэрэ Хаҥалас нэһилиэктэригэр, иккис эрээт — тэрилтэлэргэ ананар. Хас биирдии нэһилиэк түһүлгэтигэр икки улуус делегациятын көрсүөхтэрэ уонна арыаллыахтара.
Аартык уҥа өттүнэн дьахталлар, оттон хаҥас өттүнэн эр дьон ааһаллар.
Ыһыахха 50-70 тыһыынча ыалдьыт кэлиэҕэ, кинилэртэн 700 — өрөспүүбүлүкэ оройуоннарын делегациялара.
Комментарии
Авторизация на сайте через социальные сети