Саха духуобунай, материальнай баайын иҥэриммит худуоһунньук хас биирдии айымньытын өр толкуйдаан оҥорор. «Айар илбис күн аайы киирбэт. Мин үлэлэрбэр оҕо сааһым эйгэтин дьүһүйэргэ дьулуһабын», - диэтэ СИА корреспонденыгар Николай Огонеров.

Быыстапкаҕа кини 1996 сыллаахтан муспут үлэлэрэ туруоруллубуттар. «Сүрүн айымньыларбын 2012 сылтан саҕалаан айбытым», - диир кини.

Скульптор араас матырыйаалынан үлэлиир: маһынан, мраморынан, гипсэнэн, о.д.а. «Бүгүҥҥү быыстапкабар боруонсаттан кутан оҥорбут үлэлэрбин туруордум», - диэн кини эбэн эттэ.

Манна даҕатан эттэххэ, Николай Огонеров араас бюстар, пааматынньыктар ааптардарынан буолар. Ол иһигэр Илларион Федосеев, Анемподист Софронов, Платон Ойуунускай уобарастарын айбыта.