- Урукку сылларга бу айымньы маассабайдык сценаҕа туруоруллубута суоҕа. Арай, 90-с сылларга режиссер Анатолий Петров туруоран, нэһилиэктэринэн гастроллаабыта биллэр эрээри, сценарийа көстө илик эбит.
- Театр режиссера Александра Скрябина норуот биһирэбилин ылбыт сэһэни чахчы итэҕэтиилээхтик толкуйдаан, мындырдаан туруорары ситистэ. Гражданскай сэрии кэминээҕи быһыыны-майгыны, хоруопка кистэниллибит Унньуула баай көмүһүн хайдах сценаҕа ылыннарыылаахтык туруорары мунаарбыт бэйэбит оонньуу саҕаланыаҕыттан биир тыынынан көрдүбүт. Көрөөччүлэр спектаклы бары ытыс тыаһынан уруйдаатылар, махтаннылар. Улууспут театра биир инники күөҥҥэ туруорар спектаакыла буолар кыахтаах.
- Спектакльга элбэх киһи кытынна. Кириһээни - Федор Белолюбскай, Ньыыканы - Контвар Сыроватскай, Тимир Саппыкыны - Константин Скрябин, Иҥнэри Дьарааһыны - Иван Пестерев, Сургууһут Соппуруону - Зиновий Игнатьев, Маарыйаны - Маргарита Максимова, Кууһуманы - Степан Копырин, Суоппуйаны - Полина Кулаковская, Мэхээчэни - Алексей Егоров, Балатаайы - Василий Цыпандин, Лобуй оҕонньору - Василий Петров, Кэтэриинэни - Марина Аргунова, Үстүүнньэни - Саргылаана Кириллина, Дэгиэ Тыҥыраҕы - Иннокентий Антипин, милиционеры - Дмитрий Оконешников, Никитини - Валерий Эверстов, Бадаайкыны - Семен Сидоров итэҕэтиилээхтик оонньоотулар. Маассабай сценаларга Александр Шарин, Александр Теряков, Александр Чичигинаров, Валерий Эверстов, Дмитрий Оконешников, Иннокентий Антипин кытыннылар.
- Инникитин "Кыһыл көмүс хоруоп" айымньыны улууспут бары нэһилиэктэригэр көрдөрөллөрө буоллар олохтоохторго улахан сэргэхсийиини үөскэтиэ, кэрэхсэтиэ этэ. Итиэннэ кэккэ көрөөччүлэр ити айымньынан хайдах баҕарар сахалыы уус-уран киинэни устуохха сөптөөх эбит диэн саныылларын биллэрдилэр.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети