Егор Афанасьевич үүнэр 2015 сыл тутаах соруктарын, экономика, социальнай политика сүрүн хайысхаларын ыйыа. Кини бу иннинэ республика президенэ эрдэҕинэ, 2010 сылтан саҕалаан, уопсайа түөртэ маннык Анал этиилээх тахсыбыта.

Республикабыт баһылыга Егор Борисов сылын ахсын Анал этии оҥорон, Сахабыт сирин сайдыытын тосхоллорун чуолкайдыыр. Онон бу этиинэн сирдэтинэн былаас бары таһымыгар, парламеҥҥа кэлэр сыллааҕы үлэлэрин аттаран биэрэллэр, былаанныыллар. Докумуон официальнай таһымҥа СР Государственнай Мунньаҕар туһаайыллар эрээри, ис дьиҥэр, бу өрөспүүбүлүкэ олохтоохторугар барыларыгар ананар.

Аҕа баһылык анал этиитигэр народнай депутаттар, правительство чилиэннэрэ, куорат, улуус дьаһалталарын баһылыктара, предприятиелар салайааччылара, общественность бэрэстэбиитэллэрэ, суруналыыстар ыҥырыллыбыттар. Бу туһунан Егор Борисов тус сайтыгар этиллэр.