Бу тэрээһини ыытар туһунан Кытай Народнай Республикатын Российскай Федерацияҕа Суһал ыҥырыылаах уонна Боломуочуйалаах посола Ли Хуэй бу дьыл балаҕан ыйыгар Дьокуускайга сырыытыгар этии киллэрбитэ. Посол Россия региона уонна Кытай бииргэ үлэлээһиннэрэ саҥа кэрдиискэ тахсыахтарыгар эрэнэрин биллэрбитэ уонна Саха Республикатын инвестицияҕа бырайыактарын билиһиннэриини Москваҕа КНР посольствотыгар ыытарга эппитэ.

Саха Республикатын билиһиннэриигэ бэйэлэрин экспозицияларын туруордулар: Инвестицияны сайыннарыы агентствота, «Дьокуускай куорат» куораттааҕы уокурук, «ГМК ТИМИР» САУо, «Колмар» УК ХЭО, «Корпорация развития Южной Якутии» ААУо, «Ленское объединенное речное пароходство» ААУо, «Янолово» ХЭУо, «Ленские столбы» ГБУ, «Технологии базальтовых материалов» ХЭУо, «Технопарк «Якутия» ГАУ. «Скиф» компаниялар бөлөхтөрө бэйэтин бородууксуйатын амсатта. Күндү таастар уонна сыаналаах металлар комитеттара Саха Республикатын көмүс оҥоһуктарын быыстапкатын тэрийдэ.

Билиһиннэриигэ Кытай 65 улахан компаниялара, бизнес тэрилтэлэрэ кыттыыны ылбыттара Саха Республикатыгар интэриэс улаханын кэрэһилээтэ. Олор ортолоругар «ICBC» баан Москватааҕы бэрэстэбиитэлистибэтин генеральнай директора Сун Ян, «Гринвуд» бизнес-паарка делегацията, SLCньиэп компаниятын генеральнай директора Ли Шобин, «AIRCHINA» авиакомпания Москватааҕы бэрэстэбиитэлистибэтин генеральнай директора Гэн Цзечжи уо.д.а. бааллара.

Тэрээһин биир сүрүн түгэнинэн Саха Республикатын уоннан Кытай Народнай Республикатын бэрэстэбиитэллэрин:Дьокуускай куорат уонна «Чжода» инвестиция компанията»; «Юньцзинь» инвестиция фонда уонна «Республиканская инвестиционная компания» ААУо; «Юньцзинь» инвестиция фонда уонна «Сахабулт» ФАПК ААУо; «Алмазэргиэнбанк» АКБ ААУо уонна «Я Цзуань» компания ; между «Агентство инвестиционного развития Республики Саха (Якутия)» ГБУ уонна Россияҕа Кытай предпринимателлэрин союһун икки ардыларыгар сөбүлэһиилэри түһэрсии буолла.

«Саха сирэ уонна Кытай Народнай Республиката өрдөөҕүттэн ыкса сибээһи, дьыалабыай бииргэ үлэлээһини тутуһаллар. Маннык бииргэ үлэлээһинтэн биһиги элбэҕи туһанабыт. Саха Республикатыгар инвестордар үбү угууларыгар табыгастаах усулуобуйа тэриллэр», - диэтэ тойон посол.

Саха Республикатын Ил Дархана Кытай Народнай Республикатын Российскай Федерацияҕа Суһал ыҥырыылаах уонна Боломуочуйалаах посола Ли Хуэйга бу тэрээһини ыытыыга көмөтүн иһин махтанна.