Саамай элбэх уматыгынан Анаабыр, Дьааҥы, Муома, Өлөөн уонна Усуйаана улуустара хааччыллыахтара. Энергетиктэр сыл бүтүөр диэри Депутатскайдааҕы ТЭЦ-кэ уонна Өймөкөөн улууһун Куйдуһунугар таас чоҕу таһан бүтэриэхтээхтэр. Бу ыйга Өлөөҥҥө 300 тонна уонна Дьилиндэҕэ 50 тонна уматык тиэрдиллиэхтээх. Бүгүҥҥү туругунан хоту улуустарга 20 тыһ. тонна кэриҥэ уматык миэстэлэринэн таһылынна.

Сорох улуустарга тымныы күннэр уһуннук тураннар, электроэнергияны оҥорон таһаарыы кээмэйэ улааппытынан, 3000 тоннаттан тахса эбии уматык тиэрдиллиэхтээх. Бу күннэргэ Уус-Куйгатааҕы нефтебазаттан Дьааҥы уонна Эбээн-Бытантай улуустарыгар дизельнэй уматык таһыллыахтааҕын туһунан «Сахаэнерго» ААУо пресс-сулууспата иһитиннэрдэ. Маны таһынан Орто Халыма куорат эбии 750 тонна уматыгынан хааччыллыахтаах.

Билигин тиэйии-таһыы үлэтин “Якутскэнерго” АК алын сүһүөх тэрилтэтэ “Энерготрансснаб” ыытар. Уопсайа хоту улуустарга 56 техника үлэлиир.