СР профессиональнай үөрэхтээһиҥҥэ уонна кадры аттаран туруорууга министри солбуйааччы Альбина Иустинова конференцияны үөрүүлээхтик арыйыыга тэрээһин наука уонна техника эйгэтигэр уһулуччу суолталаах, кэскиллээх боппуруостары дириҥэтэн үөрэтиигэ, чинчийиигэ, сайдыыга кыаҕы биэрэрин бэлиэтээтэ. Студеннар учуонайдары, преподавателлэри кытта ыкса алтыһан үлэлээһиннэрэ үөрэх тэрилтэлэрэ ситимнээх буолалларыгар суолталааҕын эттэ.

«Барҕарыы» национальнай фонда бэрэссэдээтэлэ Альбина Поисеева экспердэр кыттааччылар үлэлэрэ сыллата тупсан иһэрин бэлиэтээбиттэрэ инникигэ эрэллээхтик хардыылаан иһиини кэрэһилиирин эттэ.

Поэт, прозаик Р.А.Кулаковскай сиэнэ, математическай наука кандидата Айталина Сыромятникова конференцияны тэрийээччилэргэ эһэтин аатын үйэтиппиттэригэр аймахтар ааттарыттан махтанна. Республикаҕа быйыл Р.А. Кулаковскай төрөөбүтэ 100 сылыгар ыытыллыбыт тэрээһинннэр тустарынан кылгастык билиһиннэрдэ.

Быйылгы конференцияҕа 51 орто профессиональнай үөрэх кыһатыттан, Хабаровскайтан, барыта 383 устудьуон кыттар.

Кыайыылаахтарга сыаналаах бириистэр, үлэ секцияларынан I, II, III степеннээх дипломнар туттарыллыахтара. Студеннар сүбэлэри-амалары ылаллар, матырыйаалларынан хомуурунньук бэлэмнэниллэр. Экспертнэй хамыыһыйа талан ылбыт үлэлэрэ Москваҕа “Инникигэ хардыы” эдэр чинчийээччилэр Бүтүн Россиятааҕы научнай конференцияларыгар, Санкт-Петербурга оскуола үрдүкү кылааһын үөрэнээччилэригэр ыытыллар научнайайарконференцияҕа кыттыахтара.