Японияҕа оҥоһуллубут 35 мөл.солк. суумалаах аппараат бастакы пациеннары номнуо көрөн эрэр.

Аппараат чуумпутук үлэлииринэн атыттартан уратылаах.

Доруобуйа харыстиабылын миниистирэ Александр Горохов сайдыылаах дойдуларга 1 мөлүйүөн киһи ирээтигэр 24 аныгы томограф тиксэр эбит буоллаҕына, Саха сиригэр бу 22-с тиэхиньикэ буоларын ыйда.

Саҥа дьылга диэри томограф 2-с нүөмэрдээх өрөспүүбүлүкэтээҕи балыыһаҕа туруоруллуоҕа. Маннык томографка үлэлииргэ Санкт-Петербург куоракка үөрэнэн кэлбит Алексей Егоров ыалдьыттарга тымыр, искэҥ, о.д.а. томографка көстүүтүн сиһилии көрдөрдө.

Дьон маннык аныгы томоргафка көрдөрөр баҕата муҥутуур улахан. Кинилэр хастыы эмэ ый устата уочаракка турарга күһэллэллэрэ баар чахчы. Онон, наадыйар киһи барыта маннык аппараакка көрдөрүөҕэ диэн эрэниэҕи баҕарыллар.