Турнирга сибээс тэрилтэлэрин профсоюзтарын 16 хамаандата кытыннылар. Турнир бырааһынньык уонна үөрүү-көтүү доҕуһуолланан ааста.

Хамаандаларынан киирсиилэргэ «Ростелеком» ААО Сахателеком ААО филиалын «Динамит» хамаандата бастаата. Иккис миэстэни тыҥааһыннаах утарсыылар кэннилэриттэн «Почта России» ФГУП ылла. Үһүскэ РТРС ФГУП филиалын хамаандата таҕыста.

Биирдиилээн бастыыр иһин күрэхтэһиигэ пьедестал бары үктэллэрин «Ростелеком» профсойууһун чилиэннэрэ ыллылар. Ол курдук, саамай үрдүкү үктэлгэ Андрей Курилов таҕыста. Кини коллегата Петр Оконешников иккис миэстэни ылла, оттон киһи-аймах күүстээх аҥардарыгар дьоһуннаах утарсыыны оҥорон, үһүс Саргылаана Павлова буолла.

Эбии «Төттөрү боулинг» күрэхтэһии ыытылынна, онно Геннадий Соловьев тэҥнээҕин булбата, диэн Саха сирин профсоюзтарын Федерацията иһитиннэрэр.