Виктор Иванов — Сиэйэ Уола кэргэнигэр күнүүлээн Сергей Мекюрдяновы саанан ытыыта үгүстэри аймаабыта. Кини уопсайа биэстэ ыппытыттан, иккис ытыыта Мекюрдянов атаҕар түбэспитэ. Ол түмүгэр быраастар Мекюрдянов атаҕын  быһарга күһэллибиттэрэ.

Сиэйэ Уола буруйун сороҕун эрэ билиннэ. "Дьыаланы ымпыгар-чымпыгар тиийэ, болҕомтолоохтук көрөргүтүгэр көрдөһөбүн"- диэн кини судьуйаҕа туһаайан эттэ.

Говорова судьуйа бу холуобунай дьыалаҕа бүтэһиктээх быһаарыы ахсынньы 30 күнүгэр, Саҥа дьыл иннинэ, тахсыаҕын туһунан эттэ.  

"Дьону бырааһынньыга суох хаалларарга соруммуттар быһыылаах. Сиэйэ Уола буруйун сороҕун билинэр. Кини дьыалатын иҥэн-тоҥон көрүөххэ наада. Судьуйа быһыы-майгы хайдах да уларыбытын иһин, арааһа, хайыыга ыытар бигэ санаалаах быһыылаах", - диэтэ Виктор Иванов чугас киһитэ.