Судебнай коллегия Дьокуускай куорат федеральнай суутун 2014 сыл ахсынньы 30 күнүнээҕи бириигэбэрин, накаастабыл миэрэтин чааһыгар уларытта – үс сылы көҕүрэтэн, 6 сылга кытаанах режимнээх холуонньаҕа көҥүлүн быһарга уурда. Онтон атына -- 1 мөл.солк. суумалаах моральнай, 160 тыһ.солк. материальнай хоромньуну төлөөһүн оннунан хаалла.

Сууттанааччы адвоката Нина Протопопова иһитиннэрбитинэн, ити уурааҕы СӨ Үрдүкү суутун кассационнай инстанциятыгар ааһынар санаалаахтар.

Сиэйэ Уолугар “ыалдьа” кэлбит истээччилэр, чугас аймахтара Үрдүкү суут дьиэтин олбуоруттан тахсан баран, “Свободу Виктору Иванову!” диэн кыракый акция оҥордулар.

Сиһилии “Саха сирэ” хаһыат кулун тутар 19 күнүнээҕи, аныгыс чэппиэрдээҕи “халыҥ” нүөмэригэр ааҕаарыҥ.

СӨ Үрдүкү суутун пресс-сулууспатын хаартыскаҕа түһэриитэ.