РФ Доруобуйаҕа харыстабылын министерствота оннук санаалаах эмчиттэргэ, үлэлэриттэн ууратар оннугар, быһыы сыстыганнаах ыарыылары утары охсуһар көдьүүстээх ньымалартан биирдэстэрэ буоларын туһунан наука чахчыларынан дакаастыахха наадатын туһунан этэр. Быраас бэйэтин үлэтигэр сурах хоту эбэтэр сэрэйэн көрүүгэ буолбакка, дакаастаммыт медицина чахчытыгар тирэҕирэрэ улахан суолталаах.

Онон РФ Доруобуйаҕа харыстабылын министерствота быһыыны биэриини өйөөбөтөх быраастары үлэттэн ууратары сөптөөҕүнэн аахпат. Быһыыны утарсар быраастары накаастыыр наада, ол гынан баран, үлэттэн ууратыы – аһары барыы. Манна даҕатан эттэххэ, быһыы көмөтүнэн эмчиттэр оспаны кыайбыттара, аан дойдуга полиомиелит букатыннаахтык сүппүтэ.

Инфекционист-экспертэр итинэн муҥурдуммакка, быһыыттан аккаастаныы түмүгэр ыарыыга хаптарбыт киһиэхэ больничнай лииһи төлөөмүөххэ сөбүн этэллэр. Ол гынан баран, больничнай лиис ханнык да түгэҥҥэ төлөнүөхтээх. Арай Америкаҕа быһыыны ахсарбатах ыарыһахтарга медицинскэй страховканы төлөөбөттөр. Россия ити уопуту ылынан, Булгуччулаах медицинскэй страховканы төлүө суоҕун эмиэ сөп.