- Сүүрүүктэр саастарынан 24 бөлөххө наарданан үс уонна алта биэрэстэҕэ илин-кэлин түсүһүөхтэрэ. Күрэхтэһиини Спорт министерствота (Михаил Гуляев), улуустааҕы спорткомитет (Юрий Никифоров), Спорт дыбарыаһа (Олег Иванов), спорт уонна физкультура института (Дмитрий Платонов), Н.Н.Платонов чугас дьоно уо.д.а. тэрийэн ыыталлар.
- Тэрийээччилэр Саха сирин улуустарыттан, куораттарыттан быһа холоон 150-ча киһи кэлэн күрэстэһиэҕэ диэн сабаҕалыыллар. Бэл Кытайтан экстремал-сүүрүүк кыттар баҕалааҕын биллэрбит.
- «Чэпчэки атлетика тренерэ Николай Платонов көҕүлээһининэн «Булгунньахтаах» совхоз бирииһигэр сүүрүүгэ кыһыҥҥы күрэхтэһии аан бастаан 1981 сыллаахха ыытыллыбыта, - диэн кэпсиир спорт ветерана, уһун дистанцияҕа сүүрүүгэ республика экс-рекордсмена Юрий Сергеев. - Оччолорго ахсынньы саҥатыгар Булгунньахтаахха ыытыллар күрэхтэһии киэҥ сэҥээриини ылбыта. Ыраахтан-чугастан аат ааттаан кэлэн күрэстэһэллэрэ. Саха биллиилээх быһыйдара Михаил Еремисов, Николай Бускаров, Гаврил Нохтунскай, Роман Колесов, Артур Феофанов уо.д.а. аҕыс биэрэстэ уһуннаах түһүүлээх, тахсыылаах трассаны өрө-таҥнары сыыйбыттара. Кэлин, Николай Николаевич киин куоракка көһөн киириэҕиттэн, күрэхтэһии «Дьулуур» кулууп тэрийиитинэн ыытыллар буолбута».
- Быйыл Кэриһиэнньэҕэ халлааммыт тымныытын ыһыктыбатаҕына, Покровскай олохтоохторо уонна ыалдьыттара муҥутуур намыһах температураҕа маассабай сүүрүүгэ Гиннесс рекордун олохтуур толору кыахтаахтар. Билиҥҥи рекорд хаһаайыттарынан 36 кыраадыс тымныыга сырсыыны тэрийбит норвежецтар буолаллар.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети