-- Нэдиэлэ устата улууспут тоҕус нэһилиэгэр барытыгарсырыттыбыт. Дьон-сэргэ ордук суолу өрөмүөннээһинигэр, газ ситимин тардыыга, тыа хаһаайыстыбатын сайыннарыгасыһыаннаах боппуруостарын биэрдилэр. Элбэх сиргэ Билайн суотабай телефон өҥөтө тупсарыгар баҕардылар. Оттон аһымалар МТС сибээһэ киирэрин туруорустулар, -- диир улуустааҕы иһитиннэрэр-ырытар үлэ специалиһа Айталина Санникова.

Айталина Николаевна бэлиэтээбитинэн, дьон нэһилиэктэр икки ардыларынааҕы суолу тупсарары туруорсубут. Күөрэлээх уонна Атамай олохтоохторо бөһүөлэк таһынан ааһар Кэбээйи суолугар өрөмүөн ыытыллара наадатын ыйбыттар, о.д.а. элбэх санаалар этиллибиттэр. Түмүккэ тыа сирин олохтоохторо отчуоту биһирииллэрин биллэрбиттэр, улуус дьаһалтатын үлэтигэр инникитин да ситиһиилэри баҕардылар. Улуус баһылыга бары нэһилиэктэргэ көрсүһүү кэнниттэн “Ытык сүбэ” түмсүү кыттыылаахтарын, үлэ, тыыл уонна сэрии ветераннарын кытта көрсөн Улуу Кыайыы 70 сылын көрсө былааннанар тэрээһиннэр туһунан кэпсэппит, санааларын истибит. Оттон бүгүн баһылык «Бэрдьигэс» олохтоох телевидениенэн “Быһа сибээскэ” тахсанулуус олохтоохторун кытта сэһэргэһиэҕэ.