Русское Устье – бу кэрэ Индигир өрүс хаҥас биэрэгэр баар биир эрэ нэһилиэк буолбатах, бу өрүс муораҕа түһэр сирдэригэр бытанан сытар кыра кыстык сэлиэнньэлэр. 375 сыл устата Русскай Устье олохтоохторо Биһиги улуу Сахабыт сирин дьиҥнээх төрүт олохтоохторо буоллулар.

Быйыл Русское Устье 375 сыллаах үбүлүөйүн бэлиэтиир. Ити бэлиэ кэм чэрчитинэн А.Е.Кулаковскай аатынан норуоттар доҕордоһууларын Дьиэтигэр ахсынньы 4-7 күннэригэр Аллайыаха улууһун Күннэрэ ыытыллыахтара.

Норуот искусствотын «Симэх» галереятыгар ахсынньы 4 күнүгэр «Живая нить предков» норуот уус-уран айымньытын «Дыхание Арктики», «Цветы заполярной тундры», «Русскоустьинцы», «Русскому Устью – 375 лет», «Старинные люди у холодного океана» фото-быыстапкалары, Русском Устье туһунан кинигэ, Андрей Чикачев хартыыналарын быыстапкаларын үөрүүлээхтик аһыы буолуоҕа.

Ити күн 18:00 чааска «На краю Ойкумены» спектаклы көрдөрүөхтэрэ.

Чэппиэргэ, ахсынньы 5 күнүгэр, Мраморнай саалаҕа бары баҕалаахтары «Сээдьэ», «Рассоха», «Омуканово» уонна «Оһуохай» үҥкүүлэри толорууга маастар-кылаастар күүтэллэр.

Бээтинсэҕэ, ахсынньы 6 күнүгэр, норуоттар доҕордоһууларын Гостинайыгар «О проблемах включения русских арктических старожилов Республики Саха (Якутия) в федеральный перечень коренных малочисленных народов Севера, Сибири и Дальнего Востока Российской федерации» диэн төгүрүк остуол ыытыллыа.

Бу күн 18:00 чааска концертыыр саалаҕа «Русское Устье – край мой любимый, Русское Устье – край мой родной» үөрүүлээх киэһэ буолуоҕа.

Субуотаҕа, ахсынньы 7 күнүгэр, Мраморнай саалаҕа Русскай Устье бүлүүдэлэрин бэлэмнээһиҥҥэ маастар-кылаастар, астары амсайыы-быыстапката күүтэр. Итини кытта сэргэстэһэ А.Е.Кулаковскай аатынан Дьиэ территориятыгар тэрээһиҥҥэ сылдьааччыларга анаан Аллайыаха улууһун тыатын хаһаайыстыбатын быыстапка-дьаарбаҥката тэриллиэҕэ.