- Муниципальнай тэриллии баһылыга Иван Горохов «Саха» НКИК сарсыардааҥы эфиригэр улуус бүгүҥҥү олоҕун туһунан кэпсиэҕэ. Бу күн өрөспүүбүлүкэ бырабыыталыстыбатыгар улуус социальнай-экономическай сайдыытын боппуруостарыгар мунньах буолуоҕа, министиэристибэлэргэ, ведомстволарга улуус дьаһалтатын үлэһиттэрин кытта дьыалабыай көрсүһүүлэр ыытыллыахтара.
- Эбээн-Бытантай улууһун күннэрин үөрүүлээхтээх арыйыы сэтинньи 26 күнүгэр киэһэ 6 чаастан Норуоттар доҕордоһууларын дьиэлэригэр буолуоҕа. Онно киэһэ 4 чаастан норуот маастардарын «Бытантай – мин төрөөбүт дойдум» быыстапкалара аһыллыаҕа, олохтоох ааптардар кинигэлэрин билиһиннэриэхтэрэ, эбээн национальнай таҥаһын көрдөрүөхтэрэ. Бырааһынньык уус-уран самодеятельность улахан кэнсиэринэн түмүктэниэҕэ.
- Сэтинньи 29 күнүгэр, субуотаҕа, «Сайсары» ырыынакка улуус тыатын хаһаайыстыбатын бородууксуйатын атыылыахтара. Сарсыарда 11 чаастан өрөспүүбүлүкэ Наукатын академиятыгар «Эвено-Бытантайский национальнай район на рубеже веков» научнай-практическай конференция үлэтин саҕалыаҕа. Культура тэрээһиннэрэ салгыы Хотугу норуоттар дьиэлэригэр салҕанан ыытыллыахтара. Онно «Арктика глазами детей Эвено-Бытантая» уруһуй быыстапката, студеннар, хотугу улуустан төрүттээхтэр землячестволара тэриллиэҕэ. Киэһэ Хотугу норуоттар дьиэлэрин тиэргэнигэр Күннэри үөрүүлээхтик сабыы буолуоҕа.
При частичном или полном использовании материалов гиперссылка на сайт ysia.ru обязательна.
Комментарии
Авторизация на сайте через социальные сети