Тэрээһин ахсынньы 18 күнүгэр Саха Республикатын национальнай ойуулуур-дьүһүннүүр музейыгар «Уус-уран нэһилиэстибэ. Сунтаар улууһа» быыстапканан аһыллыаҕа.

Хотугулуу-Илиҥҥи федеральнай университекка үөрэнэр Сунтаар устудьуоннара, ыччаттара «Народное творчество — как основа культурной модернизации региона» научнай-практическай конференцияны тэрийэн ыытыахтара.

Ахсынньы 19 күнүгэр Ил Түмэҥҥэ Сунтаар ыччатын улуустан төрүттээх биллиилээх дьону кытта көрсүһүүлэрэ, күнүс 13 чаастан Национальнай библиотекаҕа Сунтаар нэһилиэгин 250 сылыгар анаммыт кинигэлэри билиһиннэрии буолуохтара.

Ахсынньы 20 күнүгэр «Саха сирэ» хаһыат редакциятыгар «Инновация — как основа развития Сунтарского улуса» диэн тиэмэҕэ «төгүрүк остуол» ыытыллыаҕа, ХИФУ «Сэргэлээх уоттара» Культура киинигэр улуус талааннаахтарын улахан концера көрөөччүлэри ыҥырыа.

Күннэр ахсынньы 21 күнүгэр «Арчы Дьиэтигэр» «Түһүлгэҕэ, эн таскар» диэн Сунтаар оһуохайынан түмүктэниэхтэрэ.