ЯСИА12+ СахаМедиа

Сюжеты

Главное Политика Экономика Общество Территория Инвестник Происшествия Культура Спорт Природа Жизнь Подробно Не факт
22 декабря 2014, 12:15

Дьокуускайга Сунтаар күннэрэ ситиһиилээхтик ыытылыннылар


Ахсынньы 18-21 күннэригэр Дьокуускай куоракка Сунтаар сэлиэнньэтэ төрүттэммитэ 250 уонна Култуура сылыгар анаммыт Сунтаар улууһун күннэрэ буолан аастылар. Тэрээһиннэр СР национальнай ойуулуур-дьүһүннүүр музейын «Саха сирин раритеттара» бырайыагын иһинэн биһиги улууспут декоративнай-прикладной искусствотын быыстапкатынан саҕаланнылар.

Улууспут баһылыгын эбээһинэһин толорооччу А.В. Никитин, тыа сириттэн үүнэн, сайдан тахсыбыт салайааччы буолан, Күннэргэ тыа хаһаайыстыбатын боппуруоһа  өрө тутуллубута саамай сөптөөх диэххэ наада. Ол курдук, Ил Түмэн депутата А.С. Уаров кыттыылаах Тыа хаһаайыстыбатын министерствотыгар дьыалабыай көрсүһүү буолла.

Итини сэргэ урукку өттүгэр улууска сопхуос директордарынан, кэлин республика тыатын хаһаайыстыбатын салалтатыгар үлэлээн сылдьыбыт П.С. Иванов, А.И. Петров о.д.а. бэтэрээннэри кытта көрсүһүү истиҥ-иһирэх быһыыга-майгыга ааста. Делегация сорох чилиэннэрэ Чурапчы улууһугар тахсан үлэни-хамнаһы билсистилэр.

Сунтаар улууһуттан араас үөрэх кыһаларыгар үөрэнэр студеннары кытта көрсүһүү Ил Түмэн мунньахтыыр саалатыгар ыытыллыбыта туһугар эмиэ ураты, барыбытыгар да киэҥ туттуннуулаах буолла. Көрсүһүүгэ 200-тэн тахса студент кытынна. Оҕолор ыйытыыларыгар депутаттар А.С. Уаров, Ж.Э. Егорова, И.Д. Васильев уонна улуус баһылыгын эбээһинэһин толорооччу А.В. Никитин хоруйдаатылар.

«Сунтаар алгыстаах түһүлгэтэ» диэн киэҥ программалаах концерт ХИФУ «Сэргэлээх уоттара» Култуура киинигэр үрдүк таһымнаахтык ааста.

«Саха сирэ» хаһыат ыыппыт «төгүрүк остуолугар» улууспут баһылыгын эбээһинэһин толороооччу А.В. Никитин, улуус баһылыгын социальнай боппуруостарга солбуйааччы З.В. Иванова, Сунтаар нэһилиэгин баһылыга Э.Е. Филиппов, управлениелар начальниктара Г.М. Еремеев, М.А. Тараярова, Ил Түмэн депутата А.С. Уаров, «Саха сирэ» хаһыат общественнай корреспондена Б.А. Потапов кыттыынны ыллылар. Манна улуус социальнай-экономическай сайдыыга уонна үлэ бары салааларын тула киэҥ кэпсэтии буолла.

Күннэр «Арчы дьиэтигэр» улахан оһуохайынан түмүктэннилэр.

При частичном или полном использовании материалов гиперссылка на сайт ysia.ru обязательна.
Категория: Территория Просмотров: 1784 Источник: ЯСИА Автор: Борис Николаев Подписаться на обновления

Комментарии

Вы не можете оставить комментарий, пока не войдете на сайт. Вход / Регистрация

Авторизация на сайте через социальные сети

ЯСИА, Якутия, Саха Сирэ