Куорат инфекционнай балыыһатын 145 куойкалаах отделениетыгар 170 оҕо сытан эмтэнэр. Балыыһа кылаабынай бырааһа София Александрова бэлиэтээбитинэн, кэнники 5 сылга вируснай кишечнэй инфекциялар, вируснай респираторнай ыарыылар көрүҥнэрэ кыратык уларыйбыт. Ол эбэтэр оҕолор ыарыыны ыараханнык аһараллар уонна пневмония элбээтэ.

Грибинэн ыалдьар дьон ахсаана элбии турарынан, Роспотребнадзор управлениетын үлэһиттэрэ ыарыыны эрдэттэн сэрэтэргэ маннык сүбэлэри биэрэллэр:

– Сылаастык таҥныҥ. Наһаа тоҥноххо, органим ыарыыга түргэнник хаптарар.

– Элбэх дьонноох сиргэ сылдьар буоллахха, уулуссаҕа тахсыаххыт иннинэ мурун көҥдөйүн оксолиновай мааһынан соттуҥ. Ити организмҥа вирус киирэрин харгыстыыр.

– Таһырдьаттан кэлэн баран, мурун көҥдөйүн сууйуҥ. Онуоха аптекаҕа атыыланар анал препараттар барсаллар.

– Общественнай миэстэҕэ сылдьан баран, илиигитин төһө кыалларынан элбэхтик суунуҥ.

– Грипп вируһун утары охсуһарга туһалаах көмөлөһөөччүнэн аһылыгы сөпкө талыы буолар. Тымныйыы ыарыылара өрө турар кэмнэригэр С битэмиининэн баай аһылыгы – моонньоҕону, лимону, дөлүһүөнү, клюкваны сии сатааҥ. Чеснок, луук, хрен эмиэ туһалыыллар.

– Дьиэҕитигэр ОРВИ-нан ыалдьыбыт киһи баар буоллаҕына, биир иһиттэн туттумаҥ.

– Ыарыыны эрдэттэн сэрэтэр туһуттан быраас анаабытынан вируһу утарсар уонна иммунитеты бөҕөргөтөр препараттары иһиҥ.

– Чөл олоҕу тутуһа сатааҥ, куһаҕан дьаллыктартан туттунуҥ уонна стресстэн куота сатааҥ.

- Бэйэҕит эбэтэр оҕоҕут ыарыйдаҕына, ыарыы содула улааппатын туһугар, бэйэҕит билэргитинэн эмтэнимэҥ, суһаллык эмтиир бырааскытын ыҥырыҥ. Доруобай буолуҥ!