Дойдуларыгар тиийэн тэрийэр хамыыһыйа чилиэннэрин кытта Сааскылаах бөһүөлэгин кырдьаҕастарын дьиэлэригэр-уоттарыгар сырыттылар, олорор усулуобуйаларын, кыһалҕаларын сиһилии билистилэр.

- Оройуоммутугар 17 тыыл ветерана олорор. Кинилэр хамыыһыйа чилиэннэригэр дьиэни-уоту өрөмүөннүүргэ көмөҕө наадыйалларын биллэрдилэр, быраастар миэстэтигэр тиийэн көрөллөрүгэр, ордук чуолаан харах бырааһыгар наадыйалларын этиннилэр. Улуус дьаһалтатын салайааччылара бэйэлэринэн сылдьыбыттарыттан улаханнык үөрдүлэр, баҕа санаалара туоларыгар эрэнэллэрин биллэрдилэр, -- диир улуус дьаһалтатын специалиһа Екатерина Андросова.

Екатерина Васильевнакэпсээбитинэн, Улуу Кыайыы 70 сылын көрсө үлэни тэрийэн ыытар хамыыһыйа сүбэ мунньаҕар нэһилиэктэргэ баар пааматынньыктары чөлүгэр түһэрэр, ыраастыыр, тупсарар үлэни ыытарга олохтоох дьаһалталарга сорудах бэриллибит. Маны сэргэ, улуус киин балыыһатын үлэһиттэрэ ый аайы ветераннарга дьиэлэригэр сылдьан доруобуйаларын көрөллөрүн кэпсээбиттэр.

Анаабырдар бэлиэтииллэринэн, ветераннарга ананар үлэ тэтимирэн иһэр.